影片
更多
2019-09-26
416 浏览
逢星期三屋企得我同呀妈食饭👩👧，加上佢就嚟生日，我就叫佢唔好煮，唔话佢知食乜嘅情况下带佢食好西。呀妈剩系钟意食中餐，所以谂落带佢去食私房菜有海鲜食，佢应该都钟意，加上同事亲身食过推介有啲保证(佢系话连佢个煮妇妈妈都话ok)，带住呀妈真系更加惊中伏😅。位置喺观塘工厦，距离地铁站都唔算远，好彩经whatsapp book定枱同餐，一去到就有位同好快有嘢食😉，估唔到weekday都爆场。由于呀妈拣亲嘢食都好烦，嫌三嫌四嫌贵明明有心水但又问你意见咁，所以我今次大胆啲book枱时订埋餐🙈，订枱时我同店员讲带呀妈食，佢就推介我叫花胶扒羊肚菌餐，按人头收费$450，免加一，佢会问你个餐有无乜食唔食咁。虽然唔平，但难得请妈妈食一次就食好啲。第一样嚟嘅系超开胃的麻辣手丝鸡🐔，上碟好精美，原来系青瓜丝X鸡丝嘅组合，我本身仲以为得鸡。呀妈唔食青瓜🥒，所以唔声唔声揾哂啲鸡丝嚟食，佢平日好少赞，但佢话呢个好好食。可能因为咁，佢开咗胃加对呢餐有啲期望，比平时食多好多嘢。第一度菜几时都咁重要！我自己都钟意个手撕鸡，因为佢个麻辣真系几惹味，够哂麻，虽然都辣但都食到😋。第二样就系额外order嘅潮州卤水鹅(例牌)，其
位置喺观塘工厦，距离地铁站都唔算远，好彩经whatsapp book定枱同餐，一去到就有位同好快有嘢食😉，估唔到weekday都爆场。由于呀妈拣亲嘢食都好烦，嫌三嫌四嫌贵明明有心水但又问你意见咁，所以我今次大胆啲book枱时订埋餐🙈，订枱时我同店员讲带呀妈食，佢就推介我叫花胶扒羊肚菌餐，按人头收费$450，免加一，佢会问你个餐有无乜食唔食咁。虽然唔平，但难得请妈妈食一次就食好啲。
第一样嚟嘅系超开胃的麻辣手丝鸡🐔，上碟好精美，原来系青瓜丝X鸡丝嘅组合，我本身仲以为得鸡。呀妈唔食青瓜🥒，所以唔声唔声揾哂啲鸡丝嚟食，佢平日好少赞，但佢话呢个好好食。可能因为咁，佢开咗胃加对呢餐有啲期望，比平时食多好多嘢。第一度菜几时都咁重要！我自己都钟意个手撕鸡，因为佢个麻辣真系几惹味，够哂麻，虽然都辣但都食到😋。
第二样就系额外order嘅潮州卤水鹅(例牌)，其实觉得个餐都够食，不过呀妈钟意食鹅，所以叫比佢食。鹅肉唔鞋口👍，卤水完都唔会太咸，亦可点柠檬醋食；但呀妈就话可以浓味啲。份量就当然够哂2个人食，但如果多几条友呢份例牌就未必够🤔。
第三样上嘅就系什菌大蚬豆腐汤，一人一碗热辣辣送上🥣，真系好热，但汤就系要热先正‼️。个汤清清哋亦都几鲜，啲料就如个汤名所述。煲熟咗嘅芫茜辟腥之余仲好香，全部食哂！题外话呢到基乎每款菜式都有用芫茜点缀☘️。
第四样系蒜蓉粉丝蒸蛏子皇，个set可拣前者或流沙黄金虾，虾就平日食得多啲，所以拣蛏子，真系劲长劲大只，一啖食唔哂😍。蒜蓉量超多，有白饭配会超正！好新鲜，我𠮶只有少少韧，但我妈佢话佢𠮶只好爽无事。下面啲粉丝唔多亦唔算特别索汁，无乜特别。
第五样就系其中一个主角喇，避风塘炒大肉蟹🦀。避风糖粒系海量咁多，劲脆劲香口，完全无炒过笼嘅苦味，但如果有少少辣就更好，我直头用匙羹食🤣。其实有几种味拣，例如四川辣炒、胡椒等，比较想试会系花雕鸡油蛋白蒸，因为可以食埋蛋，但好彩无叫，因为已经够哂饱。肉蟹好大只，够厚肉，不过唔算超甜，喺街食蟹真系好唔方便，因为要拆壳，虽然已经扑开咗啲，但都要再用钳夹🙈。好在有湿纸巾同埋避风糖炒已经无咁多汁哈哈。
第六样就系姜葱炆龙趸腩，佢喺我哋就嚟食哂蟹嘅时间就上咗，但由于食蟹食得太慢，所以无喺热辣辣上𠮶阵食咗先有啲可惜😔。呢个龙趸腩劲好食，外面稍为炸过下，鱼肉有弹性又鲜，大大啖肉，得一条大骨，加上个姜葱汁够咸好好食。呢道菜一开始相对无乜期待，但反而带比我惊喜🤩。
第七样就系另一大主角，花胶扒羊肚菌。老实讲我真系未食过羊肚菌🙈，但听讲过好有益。呢日终于有机会一尝，首先个汁唔会太浓抢咗主角味道👍，二嚟两样嘢一齐食好夹。花胶好滑但唔会潺，而羊肚菌就有啲啲似竹笙嘅质感，味道少少甘，几特别。食完饭行附近超市先留意返原来咁贵，要$700+先得100g😱。
第八样系🍓士多啤梨骨，其实食完上道菜已经好饱🙈，不过梗系继续试埋。士多啤梨酱配上金沙骨，第一次食呢个配搭，又唔错㖞，我一开始以为会系好甜𠮶种，点知又唔系，咁样仲好，无咁漏👍，呢个系set入面较多肉嘅一味XD。
第九样系蟹油银芽炒面，我觉得即系豉油王炒面🤣，略嫌有少少干身，但有油香同芝麻搭救，另外我亦钟意佢够多芽菜。不过好大碟啊，虽然味道都唔错，但都系食剩少少👉🏻👈🏻。
第十样十全十美就系是日甜品🍮，应该系香芋蓝莓布甸，质感好滑，有淡淡嘅芋头香，味道唔会太人工太假，好彩份量细细，食得哂，为呢一餐划上完美嘅句号😊。.
总括嚟讲，呢餐嘅食物味道同用料真系无可挑剔，定价系贵，不过绝对对得住个价钱。如果食返同一堆菜式，喺旺区一定唔指呢个价，呢到环境比较简约，收费正正系比咗喺食材同烹调功夫到。呢到按人头收费，所以份量会预到啱啱好，不过有咁多味菜，所以都系会饱🤣。另外，服务亦好好，店员有礼貌同细心，会留意你几时食完先上另一碟菜。呢次嘅私房菜体验好唔错，妈妈食得好开心，连佢都赞好👍。同事果然无推介错，我亦会推荐其他朋友嚟呢到家庭聚餐🥢。
张贴
