掌壽司 (已結業)

琴日放工约咗同事去食晚饭，最后决定食日本野，就上网揾左呢一间观塘工业区上楼日式餐厅。门面唔算特别,挂咗个手掌印灯罩喺度,入到去人有三急去个厕所,但系见唔到有洗手间,原来个洗手间收埋系李小龙嘅公仔后边，咁就等我会一会佢！😂环境有日式加现代嘅风格，几fusion.首先我哋叫咗一个全条莲子鲷二食刺身加寿司＄398。价钱系有啲贵，但想试好耐。因为刺身都系每日喺日本新鲜运来，所以肉质好新鲜结实，特别钟意佢个寿司，连埋皮食更有咬口，本人钟意用咬口嘅感觉。另外佢仲将鱼肉剁碎加入葱，俾你加埋紫菜同埋有个酸萝卜汁俾你点嚟食，好开胃好新鲜。佢摆咗啲金箔系啲鱼肉上面感觉更加矜贵。之后再叫左三件吞拿鱼寿司同一件鳗鱼寿司。我就试咗最左手面粉红色嘅大拖罗，即系最肥美𠮶一部份，真系入口即溶，鱼肉好新鲜细滑。中拖罗就系中间个个，油花较少，最右手面就系食开嘅赤拖罗，油分最少。同埋我试咗个鳗鱼寿司，睇落好似好干，但其实系就非常多肉汁，做得好好食，你火枪轻轻烧更香口，而且鳗鱼好有质感。食到有啲口渴就叫咗一杯日本哈密瓜奶昔来饮。奶昔里面充满着哈密瓜肉同埋鲜奶，非常知足料，冇咩点加水喺里面，口感一流，甜到刚刚好，蜜瓜非常之甜，