京香閣 (已結業)

位于上环既京香阁，睇个名就知食北京野为主，原来唔止京菜，都有川沪菜食，依家仲推岀自助餐，主打任食片皮鸭！系香港真系未试过有得任食片皮鸭，十分有兴趣，价钱又唔贵，即刻拉埋另一半去。环境系无限极广场，好少嚟呢个商场，因为都系以餐厅为主，京香阁内里格局系酒楼，所以环境颇大，自助区食物摆放都好集中。任食90分钟高级京菜自助餐 $228包砂窝花胶鸡汤及原只鲍鱼花菇各一客，出面自助区、饮品，仲有即叫即蒸点心。砂窝花胶鸡汤及原只鲍鱼花菇各一客放题包每位额外送一份砂窝花胶鸡汤及原只鲍鱼花菇﹐鸡汤味道麻麻，但真系有花胶系入面，而原只鲍鱼以放题送既嚟讲不过不失。自助区有齐饮品、前菜、主食、炒粉面饭及甜品，接近四十款。前菜有醉鸡、牛肉、虾、烤麸、多春鱼、云耳、青瓜等等，全部都夹左少少嚟试，质素都正常，肉类放左一段时间会干啲，但虾唔会有腥味，青瓜云耳爽口，前菜开胃。到主食，有不少川菜风味食物，例如水煮牛肉、四川回锅肉、宫保鸡丁、酱茶鸭、酸辣汤等等，味道都唔差，唔会好辣，食唔到辣既人都食到，我同另一半都好中意佢既水煮牛肉同宫保鸡丁，以放题嚟讲做得不错。另外主食仲有椒盐排骨、炒年糕、糖醋鱼块、咕噜肉等等，炸物会不