麥當勞 (已結業)

麦当奴近排连环出招, 连我呢个唔系成日食麦当劳嘅人，都忍唔住要去攞一攞着数。食亲麦当劳，我都会散嗌佢＄10嘅鱼柳包，同样＄10 ,今日可以有另外一个选择，双牛芝堡，真系佢出左咁耐都未食过，就试吓你！唔知系咪因为做紧特价，超级多人，无论系排队食嘢定系排队等位，都周围满晒人。买一个包，前前后后等左十分钟，早知就唔买啦，但钱已经俾咗，无办法，唯有等落去。平时食开鱼柳包，已经遗忘左麦当劳嘅牛肉味，呢个包都令我几惊喜，牛肉味几香，可能因为有2层，都几浓郁，配合埋中间果块芝士，个芝士好香滑，成个感觉几丰富，但系茄汁好多，令到我觉得佢有啲漏，算系少少嘅败笔，如果唔系，呢个＄10嘅包真系冇得弹。