A-1 Bakery & Cafe (已結業)

提早收工去肥髀学校出席活动，要食啲嘢打底先！一入新都会广场又比面包店吸引！白色光鲜装修！面包好多款式，店内人山人海，转个身都无位！攞个盘入店内，已经比个蕃薯包吸引住！个包见到半个黄蕃薯，外层系洒满朱古力粉嘅面包！我对呢种甜包无抵抗力！因为好充实，好饱满嘅馅好吸引我，虽然$15一个包，真材实料都值得！当时已有十人在排队比钱，好在两个店员，一个袋包，一个收钱，所以速度都好快！而且又有八达通，免却找赎！离开面包店即刻一啖咬落个包度，松软面包连蕃薯蓉一齐食，满口香甜，外面朱古力粉带少少甘味，更加衬托出蕃薯嘅甜！而蕃薯中间仲连住皮（蕃薯皮咬落会带啲烟韧），觉得更加原始风味！不过食完一定要抺咀！因为咀边会沾满朱古力粉！好Man!