Cafe 52 (已結業)

今日突然间系OpenRice嘅「新餐厅」排行榜里面，见到呢间疑似系咖啡店，我仲兴高采烈咁样同朋友即刻揸车去到呢个葵涌嘅工厂区度试吓，打吓卡。呢度嘅环境的确系唔错，门面就系落地大玻璃，隔离仲有个好高嘅书架，如果单凭装潢，我会将佢界定为文青咖啡店。我叫左一份窝夫，系下午茶餐。当佢上枱嘅时候，我已经好失望。本身我expect系水滴型或者心形𠮶只窝夫，而唔系比利时窝夫。咁呢个都只系我嘅预想错误。但最错嘅并唔系我对窝夫嘅假设，而系呢个窝夫真系好！难！食！我明白一间细细的店舖可能唔会将甜品师傅或者主厨分得咁清楚，可能所有店员都可以落手去整食物，个个都会识做。但系呢个窝夫真系离晒谱，上枱嘅时候淋padpad不止，咬落去都只系室温。如果一个窝夫只系需要用焗炉去焗返热，咁简单嘅技巧都掌握唔到嘅时候，我相信好难会有人再好似我咁特登走入黎食，做来做去都只会系呢栋工厂大厦嘅生意。