幸福餅店 (已結業)

喺一个星期三既下午，由于一啲公事去左鲗鱼涌，卒之可以抖一抖，雨下了一整日，心中总系纳闷。正在盘算去边度好，行呀行去到海泽街，见到有间小小既饼店，设有座位，仲有好多款甜点选择，不如入去歇一歇。店员服务周到，见我狼狈地忙住收遮，她连忙同我接过水溜溜既遮并放好，又慢慢解释每种产品既口感，富耐性。我坐低喺靠墙一边既吧枱，都可座上几个人。甜品柜里面放左十多款甜点，色彩缤纷，款款都咁靓，都唔知点拣。上次朋友已经外卖过镇店之宝Mont Blanc俾我试过，不错，相信其他款式都同样出色，等我今次试下其他先 。我要左一个Cake Set，可选一款甜点同一款式饮品，盛惠60大元。Pink Lady (单点$42)，外层系Rasberry味皮，酸酸地韧韧地，内层系白朱古力同Raspberry味慕丝，酸中带甜又有点朱古力既香，好似初恋既感觉咁，口感多样。仲配埋清新既热玫瑰绿茶，早将心里屈闷一刷而空。走既时候，我仲外买左件Lemon Tart (单点$40)俾我男友， 挞皮酥化唔油腻，面层lemon酱西柠夹杂青柠香，下层薄薄一层朱古力中和酸味，口感平衡，十分清新，最啱闷热既季节食嘞，食完之后心情即刻好番哂。店