賓墟冰室

营业中

休息中

做咗一排青衣人，喺呢个风雨飘摇的时候，多咗喺本区揾食，费事喺出边吃迟咗唔知搭咩车返屋企，好惨，近排好多朋友仔都试过冇车返屋企吖，少咗约朋友吃饭，饮嘢……亦因此，认识咗呢间餐厅多咗，第一日吃完，见仲有好多小菜想吃，第二日再来过。水煮鱼，鱼肉够嫩够滑，当然都好新鲜喇，同大餐厅比都有得挥吖。香芋鸭煲，芋头够冧，鸭块够入味，仲有香浓椰汁味，好味好味。牛仔骨炆茄子，如果茄子再冧D，卖相再好D就更加好。虾仁炒蛋本来好味嘅，亦有成9只虾仁咁多，不过好似落多咗少少盐，可能一时错手落多咗。以上是连续2晚2个人的晚餐，都算好满意啦，又唔贵又好吃。