象泰宴

营业中

休息中

我一直都系象泰宴嘅忠实顾客、基本上每个星期都会系D字头平台叫外卖。呢大半年食物质素每况愈下、但系我哋都会坚持继续呢间餐厅叫外卖！但系九月，我叫左二人套餐、食完后、我同家人即晚肠胃炎、发烧、呕、我哋两个人两次医生、肠胃炎足足半个月，先好返。事隔两个月、琴晚11月8日，我谂住上次可能甘岩啲野唔干净、所以决定俾多次机会、再叫多次象泰宴外卖、今次只有我一个人食、食物质素继续差、食完即晚发烧、全身啲肉痛、3个钟已经疴左5次、今日如是又返唔到工、又疴到损晒、医生话系肠胃炎。真系对你哋好失望、食物质素难食都算、一而再食到肠胃炎、系连续2次。我希望你哋唔好再害人、攞返啲良心出黎、处理好你哋嘅卫生情况、正视问题！我唔会再光顾象泰宴、你哋嘅食物真系好毒、两次都害到我哋病得劲严重！真系唔好再害人！