蔦 (已結業)

米芝蓮拉麵，每次經過海港城都聞到陣陣拉麵香氣！今日終於黎到一試叫了兩款，一是傳統豬骨拉麵，湯底睇樣都知夠曬濃郁，事實亦一樣，濃得黎唔會好杰，有D豬骨拉都湯底濃到好似沾麵汁咁，但呢個唔會，容易入口，糖心蛋非常出色，蛋黃甜亦流心！麵質硬度適中，配料正常另一款係招牌醬油拉麵，貴為米之蓮出品，確實不錯，醬油湯唔會太咸，飲落岩岩好！肉質同豬骨一樣，肥瘦適中。呢款麵上會加入一小黑松露醬，令湯底別有一番風味！值得一提，而家疫情嚴重，店員會逐一先量體溫，而且非常貼心提供紙巾蓋住用過口罩，態度好好，服務不錯，美中不足係廚師好似唔係咁精神！