居食屋「和民」 (已結業)

朝早喺附近做完运动想揾嘢食，记得附近有间和民，就行咗去食个晏。我都知和民间间尐水准都唔同，但点都估唔到中环哩间系特别差。叫咗个荞麦面定食，其实味道就一般，其就其在食食下发现个汁中间有块胶，再睇真尐原来系将包装袋个角畀埋我食，系咪惊尐汁唔够入味呀，𠮶个包装喺佢地个厨房都唔知掂过几多嘢，个汁我重点咗几次，真系令人作呕。之后有叫个经理嚟换返畀我，不过有鬼用咩，唔食都食咗。和民尐伙计系特别寸嘴，叫落单就话等阵先，再叫佢就话「乜你重未落咩？」我尐嘢未食完又就抢走我尐嘢，噉嘅服务学人收加一，会唔会太过份呀？！