影片
更多
2017-05-30
3564 浏览
几个朋友一齐食饭，有人 suggest 嚟潮福我估唔到连蒸海鲜都有 semi-buffet！😂朋友话净系啤酒任饮都已经抵返哂 😂有【青岛】、【嘉士伯】同【Asahi】任饮都有三款！等我著墨一下点样任食法啦首先就拣咗粥底先，有【新鲜排骨粥】同【瑶柱鲜淮山粥】二拣一我就拣咗后者，食材特别啲嘛跟住每人有一个炖汤，都系二拣一有【老黄瓜炖唐排】同【姬崧茸炖螺肉】我又系拣第二个个炖汤好足料，好滋润 😋每人有半边【脆皮乳鸽】，烧得都几靓仔入味得嚟唔会死咸，意外地好好食㖞一人一份【贝壳盛盆】，只只都好好肉店员呀姐有介绍边只打边只，唔会唔知自己食紧乜左上𠮶只刀贝蚌超级新鲜爽口！👍🏻然后有【刺身拼盘】同【生猛龙虾】二拣一呀姐就推介我哋食龙虾，话真系好生猛㗎 😂【生猛龙虾】真系唔错！肉质好弹牙之后就自选四款海鲜第一个紧系拣【北韩鲜鲍鱼】啦，够哂豪气嘛！每个都好大只，好新鲜食落鲜爽得嚟唔会好难咬开第二个拣咗【北韩象拔蚌】，剪好哂方便食乜北韩嘅海鲜咁出色㗎咩？呢个又系劲好食！好鲜味好甘甜 👅第三个系【生㓥龙趸件】，好矜贵～每人都分到两大嚿鱼㗎最尾就系【北海道北寄贝】全部都好鲜味！任食嘅部分都有好多嘢拣建议大家海
我估唔到连蒸海鲜都有 semi-buffet！😂
朋友话净系啤酒任饮都已经抵返哂 😂
有【青岛】、【嘉士伯】同【Asahi】
任饮都有三款！
等我著墨一下点样任食法啦
首先就拣咗粥底先，有【新鲜排骨粥】同【瑶柱鲜淮山粥】二拣一
我就拣咗后者，食材特别啲嘛
跟住每人有一个炖汤，都系二拣一
有【老黄瓜炖唐排】同【姬崧茸炖螺肉】
我又系拣第二个
个炖汤好足料，好滋润 😋
每人有半边【脆皮乳鸽】，烧得都几靓仔
入味得嚟唔会死咸，意外地好好食㖞
一人一份【贝壳盛盆】，只只都好好肉
店员呀姐有介绍边只打边只，唔会唔知自己食紧乜
左上𠮶只刀贝蚌超级新鲜爽口！👍🏻
然后有【刺身拼盘】同【生猛龙虾】二拣一
呀姐就推介我哋食龙虾，话真系好生猛㗎 😂
【生猛龙虾】真系唔错！肉质好弹牙
之后就自选四款海鲜
第一个紧系拣【北韩鲜鲍鱼】啦，够哂豪气嘛！
每个都好大只，好新鲜
食落鲜爽得嚟唔会好难咬开
第二个拣咗【北韩象拔蚌】，剪好哂方便食
乜北韩嘅海鲜咁出色㗎咩？
呢个又系劲好食！好鲜味好甘甜 👅
第三个系【生㓥龙趸件】，好矜贵～
每人都分到两大嚿鱼㗎
最尾就系【北海道北寄贝】
全部都好鲜味！
任食嘅部分都有好多嘢拣
建议大家海鲜食到大半先点
如果唔系真系会食唔哂
呢个系【手切和牛肉】，另外仲有个【手切和牛粒】
鸡都有两款，啲鸡味道唔错
手打丸都有几款，啲丸整得几爽实
如果细食可以两个人分半粒
咁就可以试哂咁多款啦
因为每个都几大粒下
呀姐介绍嘅【马拉糕】，果然系好松软想讲呢度啲服务真系好好
啲姐姐会同你有讲有笑
介绍食物𠮶阵啲形容好风趣
唔系一两个侍应好招呼，系好几个都系咁
个个都劲好笑容㗎
任饮任食一轮先至三百几蚊
绝对会再嚟 👍🏻
张贴
