新興棧食家

营业中

休息中

年初七去和味，全程得四五个客。食完经过这里，人头涌涌，完全是两番景象。年初八又想食粥，由屋企搭车过来，正午，又系人满。无鱼鲛，改叫鱼腩粥。加碟鱼皮。人多，阿姐都做唔切，所以要等一阵先上鱼皮。第一次食鱼皮，无想像中爽脆，不过几有口感，都钟意，而鱼皮上面的姜葱及豉油，竟有点晴之效。等粥，看阿姐端过的别的食客的order，睇师父「表演」打发时间。粥来了，非常大碗，料亦多，粥底比较稀，唔太咸唔太淡，味道不错。少食鲩鱼，所以不知味该如何，只能说鱼肉唔老唔霉又够味，不过太瘦的部位会无咁滑。仲有，鱼腩食极都仲有。喜欢和味的粥多一点点，不过一定会再来光顾。因为，原来我阿婆曾经是常客。