九井壽司 (已結業)

跟女友都系寿司吃货，今次黎到megabox 呢间寿司店。店入面系用平板点餐，选择唔算太多，每次点完餐都会有抽奖，抽奖动画好得意，不过抽左几次都唔中，可惜。茶系用茶包煎茶，wasabi 都系包装好的。点完餐就会有架高速列车送野食黎，感觉同另一间连锁寿司店好相似，呢度有我同女友最爱的灸烧左口鱼裙边，每次见到都一定会食，因为肥美又juicy，寿司质素唔错，如果唔想食另一间连锁寿司店，呢度绝对系好选择。特别推介系黑松露寿司系列，味道非常特别，黑松露能够令寿司既鲜味更加特出，想再追单已经过左last order，唯有下次再试。性价比比较低既就系佢既刺身饭，今次叫左三文鱼子海胆饭，如果饭可以比多D就更好。