影片
更多
2023-06-01
1302 浏览
依家去食粥，分分钟贵过一份午餐。寻日一碗及第粥，一碟炸两，已经要$53，仲要唔系名店，唔系旺区，如果系海皇，又或者起旺区，同样食物，我相信要$60过外。话说寻日下午2点几，忽然落起雨，加上个肚空空，即刻起附近揾间食店避雨兼祭五脏庙，于是拣咗呢间有啲位而且之前食过，味道可接受嘅粥店，谂住稳阵，点知就出事。上次叫嘅系艇仔粥加炸两，正如餐牌所显示，套餐价$31，今次选择散叫，点知同上次嘅味道系两回事。🤢🤢🤢先讲个炸两，好食嘅炸两，一定要啲粉浆够滑，油炸鬼要够脆，再加埋甜豉油、炒芝麻、甜酱、辣酱、麻酱，咁先至为之好食，但呢碟嘢点呢，啲粉嚡口，完全唔滑，油炸鬼韧口，呢两样唔掂，酱料同芝麻整得几好都无用，更何况呢间啲酱料同芝麻只系一般货色，完全无惊喜呢！而最大问题系碗粥，肉丸太腍，唔爽唔弹牙；粉肠腍滋滋，无嚟口感，肉片有硬嘅软骨，猪肝唔得滑，而更大问题系碗粥嘅质素，粥唔单只杰挞挞，米浆痴埋一嚿嚿，味精仲要超多，食到大半已经感觉个喉咙好唔妥，好口渴，从来未试过咁嘅情况，起唔想浪费食物嘅情况下，夹硬食埋佢，虽然当时外面仍然落紧雨，都毫不考虑，立即畀钱走去附近7仔买支饮品嚟解渴，庆幸去到7仔可以试到支新
寻日一碗及第粥，一碟炸两，已经要$53，仲要唔系名店，唔系旺区，如果系海皇，又或者起旺区，同样食物，我相信要$60过外。
话说寻日下午2点几，忽然落起雨，加上个肚空空，即刻起附近揾间食店避雨兼祭五脏庙，于是拣咗呢间有啲位而且之前食过，味道可接受嘅粥店，谂住稳阵，点知就出事。
上次叫嘅系艇仔粥加炸两，正如餐牌所显示，套餐价$31，今次选择散叫，点知同上次嘅味道系两回事。🤢🤢🤢
先讲个炸两，好食嘅炸两，一定要啲粉浆够滑，油炸鬼要够脆，再加埋甜豉油、炒芝麻、甜酱、辣酱、麻酱，咁先至为之好食，但呢碟嘢点呢，啲粉嚡口，完全唔滑，油炸鬼韧口，呢两样唔掂，酱料同芝麻整得几好都无用，更何况呢间啲酱料同芝麻只系一般货色，完全无惊喜呢！
而最大问题系碗粥，肉丸太腍，唔爽唔弹牙；粉肠腍滋滋，无嚟口感，肉片有硬嘅软骨，猪肝唔得滑，而更大问题系碗粥嘅质素，粥唔单只杰挞挞，米浆痴埋一嚿嚿，味精仲要超多，食到大半已经感觉个喉咙好唔妥，好口渴，从来未试过咁嘅情况，起唔想浪费食物嘅情况下，夹硬食埋佢，虽然当时外面仍然落紧雨，都毫不考虑，立即畀钱走去附近7仔买支饮品嚟解渴，庆幸去到7仔可以试到支新出嘅椰子水红茶之余又解到渴，饮完之后又好幸运停埋雨，于是可以继续行程。
至于呢间粥店呢，佢同蜜蜂仔一样，除非我失忆，否则一定唔会再帮衬，一次受罪已经够有突啦！
及第粥
$34
42 浏览
0 赞好
0 留言
炸两
$19
64 浏览
0 赞好
0 留言
张贴
