影片
更多
2023-02-25
120 浏览
天气凉凉地，想打边炉又唔想食连锁𠮶啲店舖，上Openrice 揾到呢间火锅店个名咁得意好评又多，就一于试吓今次我同男友拣咗M5和牛set, 咁啱做紧优惠系加$20就有得任食A4和牛，即系人均大约$400松啲就得！开头我地仲谂有无咁大只蛤乸随街跳，不过见净系加$20，我哋都抱着半信半疑嘅态度加咗钱~ 点知去到完全系令我哋喜出望外餐厅食物选择好多，基本上净系自助区已经食得饱，有劲多唔同丸类岩哂打边炉，另外仲有d炸物，食落新鲜热辣重头戏A4和牛脂肪分布非常均匀，食落好香口，呢$20系一定要加另外就算唔系和牛嘅M5牛其实都好食，瘦d但肉味浓，我哋两个都食得好满足，捧腹而回餐厅位置都几阔落好坐，啱晒一大班朋友聚会，加上职员态度都好友善，上菜好快，唔会因为放题而上得慢/漏单，绝对值得一赞，下次想打边炉嘅话，绝对会系我会二访嘅地方
张贴
