必勝客

营业中

休息中

星期日既下午，唔知食咩好，行行下黎到乐富广场。行过呢间连锁店，好耐都无入过去食，于是就入去坐下。同老友两个一齐，我地都算食得，谂住就两个午餐加个小食，应该就岩岩好。叫左个肉酱意粉、焗海鲜濶条面，小食拼盘。场内坐满食客，不过都算好快，唔需要等好耐就有得食，总算不过不失。肉酱意粉，意粉算几好，可惜肉酱就好咸下，算系重口味。焗海鲜濶条面，芝士味几浓，虽然我唔系太钟意芝士，不过都算入得口，濶条面干身，几有咬口，几钟意。小食拼盘，就普通左，肠仔，鸡翼，鱼柳等，应有既味道，不过不失，都算唔太咸。职员安排我地坐系角落头，最初都无为意，越食越热，冷气唔系好流通，呢样要改善一下。