金鶴拉麵 (荷李活道) (已結業)

最近钟意食一啲连锁店嘅餐厅，上次食完中环一间拉面之后，今次嚟到附近荷李活道嘅金鹤拉面。呢个品牌系连锁形式，出品基本上每一间都好稳定。今日我中午嚟咗呢度食，两个人分别嗌咗:北海道浓厚蟹汤拉面 跟餐2只饺子极浓鸡白汤拉面本身见佢又期间限定龙虾汤底为主题嘅拉面，但系我本身唔胶布系好钟意美国龙虾嘅味道，所以就打消咗个念头。两碗拉面，同时间送上嚟，热辣辣出晒烟，好精神吓。蟹汤拉面，跟咗一片梅头叉烧，中间有拆好嘅蟹肉。另外一碗系极浓鸡白汤拉面，同样有一片梅头叉烧，另外再有几片嘅鸡胸肉。其他配料例如京葱，木耳，半只浓厚嘅糖心蛋，唐辛子糸，两片紫菜呢啲两者都有。拉面面系落单时无硬度选择，偏腍，都算挂到汁，系较粗身嘅面。两个汤都稠身，但系我认为偏淡，我会钟意咸少少嘅汤底。 鸡汤果个嘅鸡味系重嘅，至于蟹汤𠮶个唔算好突出。叉烧方面唔系超薄𠮶只，有少少咬口，而且食到猪肉嘅味道，口感正常，唔滑唔难咬，我几钟意。鸡胸肉都容易咬到，唔差嘅。但系蟹汤拉面中间𠮶个蟹肉有壳碎都仲可以接受，但系个蟹肉系冻嘅，放埋啲热嘅面入边一齐食，唔系太舒服。个饺子就非常一般，唔好食，假如选择第二啲嘢会更好。两者之中，鸡白汤果个会好食啲。