稻香 (青衣城1)

营业中

休息中

上星期放假同左屋企人去左青衣城稻香饮茶，只能够说一句，大野连锁品牌，无论系商店定系食肆，九成八都系冇好野。 饮茶都系不外乎果几样野架喇，叫左D糯米鸡、牛腩萝白、萝白糕、猪润粥同埋个蒸饺子咁。唯一可以话系做得比较正常小小既就只有个鸡粥同埋糯米鸡，鸡粥D鸡唔太差但无咩味，只糯米鸡D料都算几足，不过就有小小唔够热。 至于其他野食只可以用垃圾两个字去形容，首先个牛腩萝白整得好肥腻之余又唔入味，只系食得出D肥油味。萝白糕一D都唔香口，而且太粉，食落口就好似摆左一PAT唔知咩落口咁好奇怪。个饺子就更加唔洗讲，个饺子货源同你系百佳买果D质素差唔多，个皮厚过D韩星个妆都算，个馅又干又冇味，而且同个皮完全分开，感觉就好似食紧两样野咁。讲真，呢间野我真系唔想有下一次，不过如果要同屋企人饮茶都系冇法子架喇。