牛摩+ (新都城中心二期) (已結業)

前排去完位于调景岭嘅牛肉火锅店「牛摩」食火锅放题后一直念念不忘，咁啱呢晚同女朋友黎宝琳嘅新都城二期行街见到原来呢度都有分店，梗系试下啦！餐厅位于新都城二期商场入面，地铁站A2出口直达，非常方便。呢度店员服务态度殷勤，用餐环境企理。同调景岭分店一样，呢度都有个自助火锅料区域同酱料区，我地可以自己调酱料同埋夹丸类、菜类、菇类、豆腐、面等，火锅配料选择好多元化。另外，店员亦会提供个QR CODE落单，可以追加肉类、order小食、海鲜等，非常方便。俾大家睇下卖相好吸引嘅「牛摩饭」：汤底选择颇多，我同女朋友就order左「关东风寿喜烧」同埋「沙爹汤」。食物方面，我要赞一赞我地当晚食嘅「美国特选牛肩胛」牛肩胛脂肪分布均匀，牛味非常重，而且唔会切得太厚或者太薄。除左牛肩胛之外，亦可以无限encore海鲜、羊卷肉、鸡腿肉、豚肉等。女朋友同我都觉得啲鱿鱼同埋扇贝好弹牙好新鲜！饮品方面，呢度有部自助汽水机同埋咖啡机，大家可以自由选择饮品。