影片
更多
2009-10-10
12 浏览
食咗两日Big John, 真系无谂过呢间小店嘅野食咁啱食!! 原来除咗一向有好评嘅格仔饼同芝士饼之外, 原来有惊喜嘅仲有水饺同糖水~寻日食咗净冬菇鸡肉饺转蕃茄汤底($25), 另加$5有是日糖水系红枣莲子百合圆肉糖水... 冬菇鸡肉饺转蕃茄汤底:食过几次, 水饺size都几大只, 一碗有8只, 我第一次食个阵佢用嘅皮系饺子皮, 皮比较厚, 所以个次食到最后两三只都已经好饱, 唯有弃皮食馅...不过最近再去食, 佢已经改良咗, 改用咗薄身嘅水饺皮, 但系size依然颇大只, 一个女仔食会好饱!! 初初会担心水饺馅嘅鸡肉会"鞋", 不过食落就一d都唔"鞋", 加埋冬菇, 好味升级!! 蕃茄汤底好清, 仲有好多蕃茄薯仔同甘笋粒, 好清甜嘅蔬菜汤, 味道偏淡, 饮埋d汤都唔会涸喉! 对减肥嘅人来讲, 呢个lunch都系几好嘅选择, 即系我, 哈哈!! 红枣莲子百合圆肉糖水:第一次食Big John嘅糖水...呢几日天气开始干燥, 好想食个滋润嘅糖水, 见跟餐加$5就有, 所以就试吓啦...好足料呀!! 成半碗多都系材料, 好多圆肉同红枣大大粒, 只系对我来讲甜咗少少! 虽然已经好饱, 不过都
原来除咗一向有好评嘅格仔饼同芝士饼之外, 原来有惊喜嘅仲有水饺同糖水~
寻日食咗净冬菇鸡肉饺转蕃茄汤底($25), 另加$5有是日糖水系红枣莲子百合圆肉糖水...
冬菇鸡肉饺转蕃茄汤底:
食过几次, 水饺size都几大只, 一碗有8只, 我第一次食个阵佢用嘅皮系饺子皮, 皮比较厚, 所以个次食到最后两三只都已经好饱, 唯有弃皮食馅...不过最近再去食, 佢已经改良咗, 改用咗薄身嘅水饺皮, 但系size依然颇大只, 一个女仔食会好饱!! 初初会担心水饺馅嘅鸡肉会"鞋", 不过食落就一d都唔"鞋", 加埋冬菇, 好味升级!! 蕃茄汤底好清, 仲有好多蕃茄薯仔同甘笋粒, 好清甜嘅蔬菜汤, 味道偏淡, 饮埋d汤都唔会涸喉! 对减肥嘅人来讲, 呢个lunch都系几好嘅选择, 即系我, 哈哈!!
红枣莲子百合圆肉糖水:
第一次食Big John嘅糖水...呢几日天气开始干燥, 好想食个滋润嘅糖水, 见跟餐加$5就有, 所以就试吓啦...好足料呀!! 成半碗多都系材料, 好多圆肉同红枣大大粒, 只系对我来讲甜咗少少! 虽然已经好饱, 不过都成碗糖水清晒!! 好满足呀~~~
寻日太满意, 所以今日带埋个同事一齐去食...
姜葱牛肉捞丁配沙嗲汁($28) : 同事叫嘅, 我无食到! 见牛肉都几大块, 好多姜葱好香呀, 不过丁面就油咗d...
沙葛鱼蓉饺($25) : 我都系第一次见到呢款水饺, 所以就试吓! 鱼蓉馅中食到d爽口嘅蔬菜, 都几特别, 味道都几夹!!
格仔饼(+$6) : 同同事share食, 第一次堂食格仔饼, 真系好食过外卖好多!! 外脆内软, 佢系即制嘅, 所以好够热, 加埋炼奶同粗粒花生酱, 好好味呀!!! 虽然食完好有罪恶感...
是日糖水苡米腐竹蛋(+$5) : 一打开碗盖, wow~ 我以为碗糖水系炖蛋呀! 因为好浓呀~ 佢唔系俾成只蛋, 而系蛋花, 都系甜咗少少, 不过都好好味, 又一糖水推介!!
提一提大家, 叫水饺系会等得耐d, 同埋佢地做好多外卖, 所以一到lunch time系要比较有耐性...真系好难得喺尖沙咀揾到一间又好食又啱口味又平嘅食店, 呢度就嚟变咗我嘅饭堂啦!!
张贴