和氣食堂

营业中

休息中

屋企人放假，过左去屯门同佢哋食饭，佢凑住两个小朋友带左我去食日本野。我地随意点左8款食物，有岩小朋友享用，都有屋企人至爱既鱼生刺身。 火焰左口鱼边牛油果沙律：第一次食烧炙过既左口鱼鱼片，放了些黑松露搭配，感觉更矜贵，食落唔腥兼口感滑溜溜，下面既沙律有牛油果、蕃茄、粟米、沙律菜，颜色鲜艳吸引，几个大人食份量够哂。 黄金烧珍宝皇帝蟹棒火炙黄金芝士吉列虾：两位小朋友见到劲兴奋，即刻动手抢黎食，皇帝蟹棒珍宝大size级,见到都食指大动。吉列大虾炸到金黄香脆，正。5点刺身盛A：餐厅每款食物都厚身份量多，连刺身都唔例外，厚身，色泽闪亮，无腥味，肉质细嫩鲜美。 玉子、蟹柳小卷：细细件，岩哂小朋友一啖一啖放入口食用。芝士厚烧玉子：超厚身，大大件，小朋友见到再次兴奋，面层放了块车打芝士烧制过，但被玉子既甜度盖过了，突出唔到味道，小朋友食完话饱饱了。日本烧蕃薯：叫多左串迷你版日本小蕃比小朋友当甜品享用，小朋友乖乖一粒一粒地拎黎食。牛油果软壳蟹卷：最喜欢食软壳蟹，可以连壳食加上蟹籽、饭、牛油果及沙律酱，口感层次更丰富。哩度好适合一家大细黎食野，食物选择多，每款都足料重秤大份兼抵食，饱足感100分。