The Blind Pig (蘇豪東B期)

营业中

休息中

📍呢间餐厅咁啱嚟到见今日做紧优惠，星期三有鸡翼$8只，朋友即刻就话想去！入去气氛都几好，倾计好舒服，比较适合饮酒多过食嘢。鸡翼有8只口味拣，包括maple bourbon、BBQ、是拉差同四川麻辣味等等，我哋拣咗四川麻辣味，本身仲以为淋晒啲酱喺只鸡翼度，点知原来系比一小碟我哋点，酱嘅味道偏淡，不过鸡翼几脆口。主菜就拣蒜辣榄油大蚬意粉($172)，炸鱼薯条($192)，意粉就口味都系偏淡口同埋唔系好油，蚬都算大只。炸鱼唔算大条，偏幼身，不过肉都几实同够热。叫咗杯香蕉雪糕新地($98)，味道比较似沙冰多过雪糕，面头除咗香蕉仲有半块窝夫。