炑八韓烤 (屯門市廣場2期)

营业中

休息中

放假想喺屯市食野都唔系一件简单嘅事，一来太多人，二来好食嘅野唔多，所以每次都好挣扎。周六下昼冇乜选择下食炑八，点零钟去到即时有位，仲有卡位坐，开心。周末一样有午市套餐，十几款，有石锅饭，拌饭，拉面同海鲜锅等等，价钱由$58至$78，仲要免加一。价钱吸引啦，难怪我地入座冇耐都开始等位，然后我先知原来都有唔少人午餐食烧肉~午市套餐都一律附韩式清汤及前菜。韩式清汤比较咸，我都饮唔哂。泡菜味道唔够浓，唔够辣，只系食到甜甜地。觉得湾仔同太子分店嘅比较好食，但唔系应该同一货源吗。小菜款式都算多。分别点左两份套餐，套餐加$6有「特饮」菠萝梳打、青柠檬梳打有喺其他分店饮过相同饮品，觉得呢度嘅冲得比较甜。但由于只系加6蚊，可以接受。因为月头去过韩国，食过几餐海鲜豆腐辣汤，番到黎成半个月，每次食韩国野我都点呢样，可惜间间都做唔到韩国嘅味道。辣海鲜豆腐汤配饭 $78睇落就色水唔错，仲有少少期望，可惜饮落味道好淡，隔硬喺啲滚水落辣粉咁，但又融合唔到，好稀身，完全唔辣，太多水。海鲜份量都唔错，有虾、青口、size唔迷你嘅沙白，本来有咁嘅配料，如果汤底做番韩国嘅味道，相信会正好多。有时食韩国野，都预左会辣辣地，唔