Meat King (已結業)

海胆北海道牛卷嫩滑肥牛包住满满既海胆，一啖一件劲鲜甜，加上秘制酱料，好好味，我地两个瞬间KO成碟。鹅肝寿司鹅肝煎到刚刚好，够肥够厚，同寿司饭绝配，一D都唔油腻。安格斯肉眼扒上枱时5成熟左右，块铁会慢慢煮熟件牛扒，餐厅好贴心有一块热铁，如果想熟D，可以放牛扒上去煮熟D。我钟意6成熟，入口多汁嫩软，浓浓牛肉味，10安士一阵间就食晒。半自助吧沙律吧 - 多种选择又极新鲜，红毛生菜、九芽菜、芝麻菜、西生菜、少有既海草沙律、菠萝、车番茄、三色椒等等，非常丰富，配合8种酱汁(推介青芥末蛋黄酱同紫苏汁，清新 惹味。轻甜品 - 自家制5款(芝士挞、朱克力挞、啫喱、布丁、甘薯同2款雪糕，细细件，试晒都唔济。饮料 - 热汤2种、Coca-cola 旗下汽水6种、新鲜果汁菜汁6种、叻啡或茶包(英式 Twinings 及日式)，种类繁多加$58就可享用，性价比极高。环境位置就脚，地铁站行5至7分钟，2楼境观开扬，装修时尚，灯光明亮，座位舒适阔落，布置偏重西式，唔讲唔知系日式餐厅。服务质素既细心又贴心，个块小铁板好搞鬼，俾我整熟块扒、半自助吧附近有职员介绍同帮忙，不时添水，值得一赞。