翠園

营业中

休息中

呢个星期太忙冇一晚返到老家陪爹娘食饭, 所以约左佢地今朝黎将军澳饮茶聚一聚。将军澳星期日食早餐人好多, 周围都排长龙, 翠园算系其中一间唔驶等太耐就有位嘅酒楼。今日我地10点左右先去到, 等细枱嘅客人比较多, 我地6人等左10分钟就安排到入座。呢间翠园摆枱比较迫少少, 星期日早茶冇优惠, 价钱中上。我地5个人冇点炒粉面, 只点左12个点心。不过点心水准好似唔及其他分店。😌荷叶饭份量好少, 大概得一只手掌咁大。🙈萝卜糕味道可以, 不过萝卜丝比较少。春卷味道正常而且都脆, 只系上枱时已经唔够热。猪润烧卖嘅烧卖唔错, 猪润都几大片。其他点心味道都ok。