疊囍居

营业中

休息中

好多时都会去奥海城食饭，因为商场有免费泊车同tesla充电位，今次星期日中午过嚟饮茶食点心! 一入到去比我既感觉系装潢简洁婚宴格局，天花挂住好多水晶灯特别光猛！呢度有传统点心亦有创意点心，甜品仲超吸引添，竟然有花胶炖鲜奶、爆珠芒果布丁 、芒果糯米糍😍🫢 ✨️陈皮牛肉肠粉牛肉挺嫩，好钟意呢种滑口烟韧既粉皮质感。✨️菠菜汁菜苗饺肉眼睇已经睇到皮身有几透薄，菜苗馅夹杂鲜虾粒多到胀卜卜！✨️紫醉金迷流沙包虽然未有流沙效果有点失望，但味道完胜，流沙馅质地偏浆，颜色呈金黄色，咸蛋黄香十足！✨️鲜虾烧卖王入口好明显食到冬姑同鲜虾嘅鲜味，挺弹牙！✨️雪影叉烧餐包食起来口感松化柔软，叉烧馅大大粒令我有啲意外惊喜，加上蜜汁甜甜地大人小朋友都会钟意食！✨️樱花虾萝卜糕 传统煎萝卜糕都搞搞新创意，加咗樱花虾令口感同香气提升唔少～✨️啤梨咸水角啤梨造型可爱，内里同传统咸水角一样都系猪肉馅！呢度员工快手醒目而且够主动，无论入座带位定系食完点心都会好快留意到～