影片
更多
2018-08-29
2054 浏览
大家有无谂过叹餐午餐，接下来就可以免费玩足全日。最近我地去咗富豪机场酒店食自助午餐，之后就参加好多酒店免费提供的亲子活动，大人细路都玩得好开心呀。原来富豪机场酒店由Summer开始，每个月最尾的一个weekend星期日都有好多唔同免费活动，工作坊比小朋友同大人一齐参加，一阵再同大家介绍下有咩好玩活动。以家先同大家讲下艺廊咖啡室 Cafe Aficionado嘅自助午餐先，环境当然系阔落啦，我地放咗2张high chair都好松动。唔好以为自助午餐食物选择就得好小呀，佢地最近好像是亚洲主题，有好多唔同亚太地区的食物比大家选择，泰式海南鸡饭、烤肉、冰镇海鲜、冷盘、热食、甜品应有尽有。自助午餐时间都由12:00noon去到2:00pm，好岩一家大细慢慢食、慢慢坐去享用嘅自助餐。讲返食物都系集中在餐厅正中央，分割为唔同区域，包括沙律吧、芝士拼盘、面包区、冷盘区、冰镇海鲜，有新鲜嘅翡翠螺、青口、甜虾等，而且仲系不停咁有职员refill。当然唔小得有汤水啦，唔同种类嘅热盘，十多款都算几丰富架，而且有唔同地道特色，仲有烤肉，我食咗烧肉眼，肉质都ok，有唔同酱汁供应比大家，有黑椒汁、沙嗲汁同烧汁，仲有
原来富豪机场酒店由Summer开始，每个月最尾的一个weekend星期日都有好多唔同免费活动，工作坊比小朋友同大人一齐参加，一阵再同大家介绍下有咩好玩活动。
以家先同大家讲下艺廊咖啡室 Cafe Aficionado嘅自助午餐先，环境当然系阔落啦，我地放咗2张high chair都好松动。
唔好以为自助午餐食物选择就得好小呀，佢地最近好像是亚洲主题，有好多唔同亚太地区的食物比大家选择，泰式海南鸡饭、烤肉、冰镇海鲜、冷盘、热食、甜品应有尽有。自助午餐时间都由12:00noon去到2:00pm，好岩一家大细慢慢食、慢慢坐去享用嘅自助餐。
讲返食物都系集中在餐厅正中央，分割为唔同区域，包括沙律吧、芝士拼盘、面包区、冷盘区、冰镇海鲜，有新鲜嘅翡翠螺、青口、甜虾等，而且仲系不停咁有职员refill。
当然唔小得有汤水啦，唔同种类嘅热盘，十多款都算几丰富架，而且有唔同地道特色，仲有烤肉，我食咗烧肉眼，肉质都ok，有唔同酱汁供应比大家，有黑椒汁、沙嗲汁同烧汁，仲有芥辣，岩哂喜欢食肉嘅朋友，当然唔少得白饭任装
仲有特色主题嘅印度咖喱，泰国菜等。我妹仔肚当然最钟意食呢个即煮面档，面档设计得好有地道风味。有几款粉面、同多款配料可以比大家自由配搭，佢有3种汤底比大家拣：越南牛肉汤、新加坡虾汤、马来西亚喇沙汤，绝对可以等大家食得饱饱。
但如果你想留肚食甜品又绝对系无错㖞，因为酒店的甜品种类真系好多，我估夹埋可能超过30款，芝士饼系我一直最喜欢食嘅、焦糖炖蛋、朱古力慕丝呢d都当然有啦。
啫喱糖就岩哂小朋友、孖宝大放肆呀，又食冬甩，又食啫喱糖，仲食埋雪糕。仲可以自己即制班戟、d甜品供应真喺超多，仲有生果，朱古力喷泉、夏日刨冰、红豆沙、豆腐花等。孖宝食咗2个朱古力冬甩，佢地都话好食，唔算太甜，而且烟韧得来又有咬口。
最值得一提又系重头、压轴当然就系Movenpick雪糕啦，好似成间Movenpick雪糕店咁，雪糕柜上有好多款唔同口味比大家品尝，我估起码有15种以上。咁多款口味真喺第一次见，岩哂喜欢食雪糕嘅你。总结我觉得最突出一定系甜品呢一part，超多款式，味道又ok, 而且重点系有Movenpick雪糕作餐后甜品。
艺廊咖啡室地方大，服务不错，参加哂下午workshop之后，夜晚仲可以去埋东荟城行下Outlet。而且最近用汇丰credit card仲有65折，我地食呢个Sunday自助午餐，折咗都只系2百左右，食得过呀。(详细大家可以跟酒店餐厅查询咩credit card有优惠呀)
好啦，食饱啦就到小朋友出场时间啦。我地当日参加咗Chinese Cooking Class Pork Dumpling 中式烹饪班 - 鲜肉水饺，有大厨好细心咁教小朋友包饺子。
其实酒店仲提供咗好多免费活动比大家参加架，有English Story-telling 英语故事会、Hip Hop Dancing嘻哈舞蹈教室、Face Painting面部彩绘FacePainting面部彩绘等。附我8月的活动时间表比大家参考一下。
而佢地每个月最尾一个星期日的活动时间表都可能会有改变，详细可以同酒店check返最update的活动时间表。仲有个哥哥在场Balloon Twisting扭气球送比大家，孖宝做咗2架飞机。
酒店Conference Centre 仲特设TV Games Station电子游戏区比较大的小朋友同家长一齐玩。亦有Family Theatre 家庭影院放卡通片比大家睇，我地当日都睇咗The Incredibles 超人特工队呀。
Overall，我最钟意就系创意烹饪班，由师傅亲自教授小朋友创意烹饪，比大小朋友一齐显身手，制作过程之中又可以学到唔同的知识，趣味无限呀。 提提大家参加各活动都可以向艺廊咖啡室(地下)预先报名呀!
黎紧9月30日这个星期日我地都要bookmark定，再去玩返个下午。
艺廊咖啡室自助午餐价钱收费:
成人HK$308 + 10%服务费 (周六、日及公众假期)
3-11岁小童及长者HK$238 +
10%服务费 (周六、日及公众假期)
***指定信用卡客户更专享自助午餐 / 自助晚餐65折优惠***
优惠期有限，详情可以跟酒店餐厅查询
餐厅资讯:
富豪机场酒店 艺廊咖啡室 Cafe Aficionado
地址 : 赤𫚭角畅达路9号富豪机场酒店地下
G/F, Regal Airport Hotel, 9 Cheong Tat Road, Chek Lap Kok
订座电话: (852) 2286 6238
张贴
