影片
更多
2015-03-27
905 浏览
懒洋洋既星期日训到日上三竿，起身谂住去食个下午茶，但系已经食厌咗淘大同九龙湾D连锁式餐厅，终于就同男友去牛头角既怀旧茶餐厅祥荣一试﹗搭车经过咁多次都未食过，终于有机会试喇﹗亦都系因为呢一次既体验太好，所以接著果个星期日我地又黎食晏，祥荣简直变咗做我地既周日食堂﹗下午茶menu有个焗饭系列，男友一睇二话不说就拣咗his favourite – 焗猪扒饭+冻奶荼，咁我就拣焗鸡扒饭+冻柠茶。野饮一黎真系有D吓亲，大杯到呢…..就算平时出面既茶餐厅正价叫都唔会咁大杯啰﹗男友仲大赞奶茶够哂香滑﹗焗饭明显有炒底，饭够爽身，最惊食D淋bat bat既饭。两款焗饭味道都好好，猪扒又唔会韧，下午茶黎讲份量系好足，一定够饱﹗之后个星期日我地再黎食晏，男友点咗沙爹干炒叉烧乌冬，而我见到个常餐系列对眼就即刻发哂光。因为从来未见过一间茶餐厅既常餐系咁与别不同﹗我拣咗焗芝士免治牛肉意粉配蜜糖芝士肠+薯饼﹗Come on﹗竟然唔驶去老麦都食到薯饼，仲要过埋早餐时间﹗实在太amazing喇﹗薯饼够哂大件同香脆，意粉比茄汁炒过先加埋免治牛肉肉酱同芝士焗，够哂入味﹗男友就话个炒乌冬普通，我谂祥荣既焗饭 / 意粉系列系比较
懒洋洋既星期日训到日上三竿，起身谂住去食个下午茶，但系已经食厌咗淘大同九龙湾D连锁式餐厅，终于就同男友去牛头角既怀旧茶餐厅祥荣一试﹗搭车经过咁多次都未食过，终于有机会试喇﹗亦都系因为呢一次既体验太好，所以接著果个星期日我地又黎食晏，祥荣简直变咗做我地既周日食堂﹗
下午茶menu有个焗饭系列，男友一睇二话不说就拣咗his favourite – 焗猪扒饭+冻奶荼，咁我就拣焗鸡扒饭+冻柠茶。野饮一黎真系有D吓亲，大杯到呢…..就算平时出面既茶餐厅正价叫都唔会咁大杯啰﹗男友仲大赞奶茶够哂香滑﹗
焗饭明显有炒底，饭够爽身，最惊食D淋bat bat既饭。两款焗饭味道都好好，猪扒又唔会韧，下午茶黎讲份量系好足，一定够饱﹗
之后个星期日我地再黎食晏，男友点咗沙爹干炒叉烧乌冬，而我见到个常餐系列对眼就即刻发哂光。因为从来未见过一间茶餐厅既常餐系咁与别不同﹗我拣咗焗芝士免治牛肉意粉配蜜糖芝士肠+薯饼﹗Come on﹗竟然唔驶去老麦都食到薯饼，仲要过埋早餐时间﹗实在太amazing喇﹗
薯饼够哂大件同香脆，意粉比茄汁炒过先加埋免治牛肉肉酱同芝士焗，够哂入味﹗男友就话个炒乌冬普通，我谂祥荣既焗饭 / 意粉系列系比较出色。其实仲有好多好多野食好想试，我谂个个星期日黎食都唔会厌﹗尤其想试佢地D包﹗好期待下个星期日呢~~~张贴
