味道樂居酒屋 (元州街) (已結業)

大家都知长沙湾同荔枝角好多平民小店，周末我哋去咗味道乐，尖沙咀店就食过几次，觉得味道装修都唔错，所以就试吓长沙湾分店啦。星期六嘅12点几度去到，已经挂满咗圣诞嘅装饰同布置，加上日系小和风，环境唔错㗎😬！12点至2点45，有午餐🍱set lunch ，哇，周末都有午市套餐，性价比好高呀！有面豉汤同沙律，而且劲多选择啊，有28款拣。我哋叫咗鱼生饭，香葱吞拿鱼蓉帆立贝丼，呢度嘅刺身丼真系几抵食！价钱相宜，份量十足，唔错👍🏼好新鲜，有三件带子，好多吞拿鱼蓉，寿司饭同醋嘅比例好均匀！带子好清新爽口，吞拿鱼蓉软绵绵入口即溶。另一个餐嗌咗香煎鹅肝野菌石锅饭，呢个超有惊喜呀，香煎鹅肝香油脂味😍，一试难忘，回头率极高，下次要再食！must eat item 🥰🥰，配上石锅饭，暖笠笠啱晒冬天或者庆祝圣诞节，感觉好有气氛，暖入心。