三河屋 (已結業)

星期日夜晚要去红磡睇演唱会，于是就提早左系黄埔医好肚先睇Show。餐厅系晚上6:30已经有客系门口等入座，可见餐厅非常受街坊欢迎。店舖无咩装饰，系家庭式的餐厅。男朋友要左份滑蛋猪排饭，个饭会送埋碗面豉汤。个面豉汤唔系太咸，仲有好多海带。至于个滑蛋猪排饭，个蛋又真系几滑，入面的洋葱令到味道更香。猪排因滑蛋的关系，已经唔脆了，不过猪排肉质嫩，就算小朋友都轻易食到。我呢就决定叫比较少见的北海道忌廉乌冬。乌冬比较软身，同Creamy的忌廉好Match。忌廉有好重的粟米味，加埋煮到淋身的薯仔及红萝卜，又几特别。食日本野点可以少左刺身呀？餐厅的刺身选择唔算多，最受欢迎的系三文鱼。三文鱼的油脂分布都几平均，食落都几鲜。想特别赞一赞的系餐厅用海带执系鱼生底。D海带点芥辣豉油又几好食wor。以下呢客银雪鱼西京烧系我的最爱！几年前黎的时候已经爱上了！烧得非常香的表层，已经令人流晒口水。唔好以为煎得香，入面就会干！鱼肉实在非常嫩滑，加埋BB酱真系好滑！比大家参考的Menu。