娜多歐陸餐廳 (已結業)

两个人只有一个钟午饭时间，拣咗唔驶等位嘅娜多欧陆食饭。见到有一个$138嘅两人餐，可拣两个主食，一个小食同两碗汤或者两杯咖啡／茶，拣咗一阵发现叫两个餐更扺！一般五十几到七十蚊就有一个餐，有汤、一款主食有埋饮品。上菜嘅时间超快，先上餐汤，唔洗五分上埋主食同餐饮。其中一味系浓芝士卡邦尼意粉，份量唔细，但系芝士汁就太稀同无乜芝士味。另外一个系焗芝士鱼柳饭，相对味道浓一啲，但系汁同饭嘅份量比例太少，食到后尾有啲太干。