鳴門割烹料理 (已結業)

之前见到九龙湾鸣门割烹料理做紧周末同公众假期90分钟半自助餐，有全新食物同可追加食物更新。成人每人$238，每人可选一款主食，而刺身、寿司、沙律、串烧、小食同饮品任叫、相比起好热满嘅放题，鸣门价钱、服务同食物水平都相对好，今日晏昼就约埋朋友一齐去。今日去到，主食有8款可以选择。我地就拣咗三色丼同埋汁烧油甘鱼。三色丼包括咗拖罗蓉、海胆同埋三文鱼籽。每款都好新鲜、海胆更加出众美味。汁烧油甘鱼烧得刚刚好，肉非常嫩滑、配埋酱汁食，真系无得弹。除咗主食，第一轮我哋先点了寿司同刺身。刺身同寿司都好新鲜，当中我最钟意就认系油甘鱼。跟主依附送嘅矶煮饱鱼随刺身送上。饱鱼都好大只，而且好烟韧入味。第二轮就点咗熟食。小食、串烧、日式蒸蛋、面豉汤等。每一款食物都好好味。熟食方面，我就非常之喜欢明太子玉子同芝麻鸡翼。明太子玉子即叫即烧，热辣辣的，蛋味香浓。芝麻鸡翼嘅芝麻味劲香，鸡翼炸得刚刚好，皮脆肉嫩有肉汁。虽然食物嘅选择唔及得放题，但食物质素同服务态度绝对比放题有过之而无不及。可以话系好高嘅回头率。