紅椒力量 (已結業)

经过一个星期辛劳嘅工作，一定要食啲啱自己口味嘅嘢奖励吓自己，而早排食得太多中式同西式嘢，所以今趟转吓星马泰风味。前菜楝咗泰式凤爪，令人一试难忘，食到停唔到口🤩，酸甜辣度都拿捏得恰到好处。试过其他餐厅嘅有时酸到眼都开唔到，又时又会甜得过份但呢度嘅就刚刚好，值得推介！另外辣椒膏炒青口都属必点之选，秘制酱汁配上鲜味青口真系好夹，不过如果酱汁可以再杰啲啲好让佢完全包住每只青口就更为理想嘞。今次叫咗泰式酸鱼柳同埋泰式西兰花🥦炒虾🦐试吓。前者鱼件嘅件头大，肉质嫩，后者西兰花炒得清爽而虾亦大只只系稍稍透了些。其实每次去红椒力量必定会叫嘅仲有佢哋嘅椰青，因为特别清甜，可能嚟货靓之故，每次都会打孖咁柯打......🤭🤭。