影片
更多
2009-05-25
15 浏览
太古城嘅食肆都比我地扫得七七八八，上网搜索吓太古坊会唔会有地方可去，结果揾到原来附近都有Grappa's, PP𠮶间嘅姐妹店，叫Grappa's Millennio。只系星期六夜晚七点几，隔离左右虽然有摆枱櫈出路中，但系都系得几枱客，呢间亦唔例外，佢地嘅落地玻璃，一望入去都系得几枱客。如果以Grappa's嚟讲，呢间嘅装潢系最靓，入到去，即刻有位叔叔侍应嚟带位，比咗一张四人卡位我两，空间非常宽阔，近墙另有大量空间比你摆嘢，而且喺枱面唔系舖上一张枱布，而系喺长方型枱嘅中间 (短距离嘅中间位) 放上一块幼身枱布，其实作用真的不大，只系装饰而已。入正题，饮品方面，某啲酒类，好似红、白酒喺八点前系有happy hours，一杯白酒正价要$50, 八点前只需$26，几抵饮。1. Chardonnay, Terre di Chieti I.G.T. Caldora - 例牌非常fruity。2. Cappuccino - 我只系叫个Regular$32，如果加多$6仲有Large Size，再叫埋嘢食嘅话， 呢杯咖啡仲可以免费添饮 ; 不过话说回来，抵又点，食物最紧要系咩，咪系质素，佢嘅cream
只系星期六夜晚七点几，隔离左右虽然有摆枱櫈出路中，但系都系得几枱客，呢间亦唔例外，佢地嘅落地玻璃，一望入去都系得几枱客。如果以Grappa's嚟讲，呢间嘅装潢系最靓，入到去，即刻有位叔叔侍应嚟带位，比咗一张四人卡位我两，空间非常宽阔，近墙另有大量空间比你摆嘢，而且喺枱面唔系舖上一张枱布，而系喺长方型枱嘅中间 (短距离嘅中间位) 放上一块幼身枱布，其实作用真的不大，只系装饰而已。
入正题，饮品方面，某啲酒类，好似红、白酒喺八点前系有happy hours，一杯白酒正价要$50, 八点前只需$26，几抵饮。
1. Chardonnay, Terre di Chieti I.G.T. Caldora - 例牌非常fruity。
2. Cappuccino - 我只系叫个Regular$32，如果加多$6仲有Large Size，再叫埋嘢食嘅话， 呢杯咖啡仲可以免费添饮 ; 不过话说回来，抵又点，食物最紧要系咩，咪系质素，佢嘅cream打得唔够靓，搅几搅就唔见哂，味道亦都唔够浓，唔够意大利嘅香浓feel。
3. Assorted Bread - 真系细得可怜，不过够软身，一旧white，一旧brown，橄榄油同黑醋就唔够香。
4. BRUSCHETTA Toasted country bread with vine ripened tomatoes, garlic, basil, and olive oil - 面包非常香脆，蕃茄多水鲜甜，加埋香草，甘香嘅橄榄油，味道就好好，但系美中不足系蕃茄切得太大粒，食起上嚟比较狼狈，如果切细粒啲应该口感会更好。
5. INSALATA di SPINACI Fresh spinach, crispy pancetta bacon, mushrooms, grated egg and pine nuts with Grappa's warm herb dressing - 餐牌中见有某些salad会有half-porton供应，虽然我地呢个冇 ; 菠菜叶新鲜软身，同平时食开沙律爽脆嘅感觉好唔同，加埋细细香脆嘅烟肉碎，白菌，不过碎蛋就真系过碎，食完都唔觉佢存在，而且呢个所谓warm herb dressing，我就应觉唔到味道，可能系比较淡嘅关系，不过呢过沙律好处在你唔会发现有草青味，呢点值得一赞。
6. PIZZA MILLENNIO New age fusion of Pepperoni, green olives, potato slices and capers. An explosive treat - 真系有名你睇，用招牌名，menu入面仲要有粒星，果然系有返咁上下 ; 芝士味极浓，又软又香，蕃茄酱唔太多，虽然冇咁意大利feel，但系我就比较喜欢这样嘅调较，配料真系唔需要多，简简单单有Pepperoni、芝士、蕃茄酱，最特别系佢加有我平时唔食嘅橄榄，但系今次佢用嘅呢只咸咸地又同其他配料几夹，仲要Pizza好少见嘅薯仔片，有粉有软身 ; 总括嚟讲，简单就是美。
Comments: 不过今晚食得太饱了，如果唔系，一定配埋佢地嘅signature dessert - Tiramisu，佢地仲喺个menu入面写埋呢道甜品嘅解释，真系几得意架，下次有机会重游旧地真系要试试先。
张贴
