板上 (中海日升中心) (已結業)

今日放假想同屋企人去观塘海滨公园行下，到中午时间就喺附近揾间餐厅食个悠闲嘅lunch，见中海日升中心有好多选择，就拣左间环境舒适坐得阔乐嘅餐厅呢个卡位好宁静舒服，几个人一齐嚟坐梳化倾下计都得，而且铺面好干净整洁中午时段都有10个午餐选择，仲可以加钱叫其他小食，价钱唔太贵如果想试特饮只要加少少钱就得，而且选择都多首先拣左一份安格斯牛肉汉堡配脆薯皇，份量都算大，而且脆薯皇炸得好香脆，味道亦相当好而安格斯牛肉汉堡嘅材料都好丰富丰富，有齐芝士、番茄🍅、生菜，配上酱汁唔会太干身，值得一试餐饮就拣热玫瑰花茶，其实除咗玫瑰仲有茉莉味道，茶味好香，又可以消暑，好适合女仔饮我哋仲拣咗一份雪花一口牛配珍珠饭，牛肉切成细细粒好容易食，质感好松软，不过味道稍微淡，可配上餐厅嘅酱汁食，便当仲有中华沙律同粟米粒，而餐饮就拣咗热柠蜜除咗午餐之外，其实餐厅仲有蛋糕咖啡等嘅选择，如果下午茶时段食就更加抵，大家如果系观塘食饭可以试吓呀