MG Cafe

营业中

休息中

周末约咗朋友食lunch，拣咗呢间都几多好评嘅cafe试下。欧美木系装潢，带点七，八十年代怀旧风格。楼底够高，空间感强，虽然去到中午，有自然光入店但又唔会觉得晒，感觉舒服，好适合朋友聚餐或者情侣约会。北海道带子、美国露笋配波菜忌廉汁烩意大利饭 $158带子煎香两边而入面岩岩好熟，露笋够嫩冇渣，波菜忌廉汁够浓郁，岩岩好包住晒D饭而唔过多，意大利利饭亦软硬适中，份量算多。Classic Breakfast $128牛角包完全系主角，非常之松脆，唔会好油，炒蛋应该加咗cream炒，非常湿润嫩滑，其他肠、烟肉、炒杂菌、茄汁豆，正常野。香烧鸭胸伴咸蛋黄芝士汁烩扁意粉 $148鸭胸有少少偏骚，肉质够淋，意粉加咸蛋黄芝士汁够干身唔会太多汁太漏，份量适中。