FUMI

营业中

休息中

有同事话想试Fumi 好耐，应该系之前上网睇到人哋介绍。适逢呢个星期比较得闲，我哋成班同事星期六日去到Fumi 试下佢个A4宫崎和牛&松叶蟹脚放题（$588)。价钱方面，算系比较大路，附近嘅餐厅周末semi brunch buffet 都系收紧咁上下价钱。但系魔鬼在细节，原来A4和牛只系每人包一份，要加$188先变成任食🥲呢个套餐系包一款主食，其他就全部都系任食，主食坦白讲就真系唔系太吸引，我就叫咗个迷你香葱吞拿鱼腩井。质素有啲惊喜，但系份量始终比较少，同埋今日嘅主角都唔系佢。等我同大家分析下任食部份松叶蟹脚（4.5/5)👏🏻鲜甜，新鲜，溶雪做得好，肉质爽口刺身（4/5)👍酒店级数，入口温度适中寿司（3/5)冇咩特别，建议大家留肚食其他烧物（4/5)咸度适中，香口，几款烧物水准都唔错天妇罗（3.4/5)水准ok 的，但种类比较少，差唔多全部都系蔬菜甜品（4/5)哈根大师味道相信大家都熟悉，但佢展示手法用咗干冰，咁就好岩大家系ig 打卡拍片😂总括而言，餐厅整体质素唔系差，但系呢个价钱嘅话就冇咩竞争力，因为无论系景观，侍应服务态度都唔系特别出众，咁样又点可以令一种食客再回头帮衬呢。