鳴門割烹料理 (已結業)

餐厅位于九龙湾，逢星期六、日及公众假期提供90分钟任食刺身、寿司、串烧、沙律、和食同饮品！整体环境十分舒适，楼底好高，座位之间亦有一段距离，仲有落地大玻璃，适合同朋友聚会嘅好地方💕 另外值得一赞嘅系呢度嘅服务态度非常之好而且价钱方面都几抵食，回票价甚高🙈主食有八款选择，包括丼饭、牛扒、豚肉、乌冬同锅物～ 网烧安格斯牛扒煎至七成熟，外皮焦香，内里粉嫩，肉质嫩滑，咬落多汁、牛肉野菜锅上枱时热辣辣，牛味重，入面仲有满满吸饱咗汤汁嘅蔬菜同粉丝，足料又滋味😬刺身同寿司有好多款式，三文鱼、油甘鱼、八抓鱼、鲷鱼、帆立贝、熟北寄贝、荣螺、赤虾、加州卷、鳗鱼卷等等，样样有齐，喜欢食鱼生嘅千祈唔好错过！相比之下个人更喜欢呢度嘅炸物，有芝麻鸡翼、日式炸鸡、章鱼小丸子，而吉列蚝同芝士年糕斗encore咗好几次，前者炸至金黄色，外皮酥脆，味道鲜美，充满日式风味、后者外层松脆，内里烟烟韧韧，仲有流心芝士，虽然偏油但会忍唔住一啖接一啖咁食🥰而烧物方面都几有惊喜，除咗比较常见嘅鸡翼、汁烧白豚腩、厚烧牛舌、烧三文鱼头、烧香草肠之外，竟然有盐烧鲭鱼同烧羊扒！鲭鱼大大条，肉质厚嫩，鱼油香味突出，令人难以抗拒🐟 烧羊扒非常j