睿居酒屋 (已結業)

订左枱食晚饭，去到嘅时候，已经有一张大枱10个人食紧饭。我冇选择坐吧枱，拣左系大枱隔离既一张四人枱坐低。餐厅空间比较细，枱与枱之间都几近，因为疫情原因，有透明板相隔，所以尚算可以。去到八点几九点嘅时候，大枱嘅人走咗，成间餐厅即刻静晒好舒服。打开餐牌，食物款式都几多，有刺身、寿司、烧物、沙律、串烧同埋天妇罗。因为买咗OpenRice消费券，用$400（再有优惠所以最后用$370）就买到$500现金劵，所以决定选择唔同类型既嘢食，试吓餐厅食物质素。见到OpenRice有人推介葡汁烧鳗鱼，即刻叫咗一碟试吓。另外叫左我最钟意食嘅萤光鱿鱼，再叫左汁烧鲍鱼、黑毛猪串烧同埋帆立贝天妇罗。烧鳗鱼个底有玉子做配菜，真系几好食，值得推介。而萤光鱿鱼都冇咩腥味，亦冇平日居酒屋嘅咁咸，就算今日冇叫酒，净食萤光鱿鱼都非常易入口。黑毛猪串烧亦非常好食，有少少肥膏，又烧得刚刚好。反而个鲍鱼我觉得比较普通，唔点呢个都冇所谓。除此之外，我觉得帆立贝天妇罗都几好食，大大粒，非常好肉，中间重夹咗块薄荷叶，味道非常清新，佢仲配左个芥末盐，几有特色。最后埋单，扣除$500（$370购买）现金券，盛惠$123，都算不过不失啦。星