許願樓客家菜館

营业中

休息中

衬放假同朋友到林村一日游。搭火车到太和再转巴士就可以到。可能时间尚早，朝早十一点几，唔算好多游客，算系行得几舒服。我地决定先去抛宝碟，好好彩一下就成功完成任务后我地决定去医肚。短短一条街上有几间餐厅，我地最后拣左最多人坐嘅珍姐客家菜。黄色招牌一眼就望到。餐牌唔多选择，店员推介梅菜扣肉同客家咸鸡。我因为感冒唔食得鸡所以叫左碟梅菜扣肉饭同干炒牛河。扣肉肥瘦适中，梅菜汁送饭一流。干炒牛河就茶餐厅质素，有获气。食饱同朋友share左一碗咸豆腐花。滑豆腐加菜莆，口感几特别，原来豆腐花都可以咸食，我觉得咸豆腐花仲岩我口味。我同朋友都几满意，下次可以带埋屋企人再黎。