影片
更多
2023-10-17
636 浏览
想一家大细聚餐，位置方便，服务同食物优质，Mira嘅国金轩系唔错嘅选择。从结论嚟讲，呢餐饭食得大家开心又舒服。厨房用上乘食材炮制各式佳肴，前台嘅殷勤礼貌，令餐饮体验更上一层楼。椒盐田鸡腿: 见其他人食得津津有味，唔食田鸡嘅我都食咗一嚿，口感似嫩滑嘅鸡肉，辛香椒盐嘅风味盖过我心中嘅疙瘩，零油溢味而外脆内软。烧鳝: 外观好似蒲烧鳗鱼，食材嘅品质同厨师精致嘅手法带嚟三个感受 - 外皮爽脆、油脂甘香、鱼肉鲜美。脆皮羊腩: 第三样炸物，但喉咙未见负荷过重，秋风刚起嘅时节，油炸配搭羊肉带来温暖但清朗嘅感觉，近乎冇羊臊味，呢点好唔好就见仁见智。豉椒炒蛏子: 蛏子新鲜，三色椒鲜甜，不过少咗啲镬气。𠮶种好似武林高手嘅内功咁深厚，刚劲嘅镬气，系我对呢种典型大排档小炒嘅期望。焖斑翅: 广东人对大鱼大肉有一份情意结，古法焖煮不单保留鱼嘅肉质，豆腐火腩令成道菜变成一幅充满细节嘅壁画，需要慢慢细味，慢慢消化。泡饭: 非常温润嘅泡饭，浓且鲜嘅风味好好咁作为前几道菜同甜品环节之间嘅桥梁。我哋亦另点枣皇糕作为甜品，都keep住水准。一间好嘅餐厅，不外乎好嘅食物，好嘅服务态度。食到一餐安乐茶饭，系乐事。嚟紧会继续写食评记
椒盐田鸡腿: 见其他人食得津津有味，唔食田鸡嘅我都食咗一嚿，口感似嫩滑嘅鸡肉，辛香椒盐嘅风味盖过我心中嘅疙瘩，零油溢味而外脆内软。
烧鳝: 外观好似蒲烧鳗鱼，食材嘅品质同厨师精致嘅手法带嚟三个感受 - 外皮爽脆、油脂甘香、鱼肉鲜美。
脆皮羊腩: 第三样炸物，但喉咙未见负荷过重，秋风刚起嘅时节，油炸配搭羊肉带来温暖但清朗嘅感觉，近乎冇羊臊味，呢点好唔好就见仁见智。
豉椒炒蛏子: 蛏子新鲜，三色椒鲜甜，不过少咗啲镬气。𠮶种好似武林高手嘅内功咁深厚，刚劲嘅镬气，系我对呢种典型大排档小炒嘅期望。
焖斑翅: 广东人对大鱼大肉有一份情意结，古法焖煮不单保留鱼嘅肉质，豆腐火腩令成道菜变成一幅充满细节嘅壁画，需要慢慢细味，慢慢消化。
泡饭: 非常温润嘅泡饭，浓且鲜嘅风味好好咁作为前几道菜同甜品环节之间嘅桥梁。我哋亦另点枣皇糕作为甜品，都keep住水准。一间好嘅餐厅，不外乎好嘅食物，好嘅服务态度。食到一餐安乐茶饭，系乐事。
嚟紧会继续写食评记录我哋去过嘅餐厅，多谢支持。
张贴
