梅花邨小館

营业中

休息中

讲起潮州打冷，我可能第一时间会谂起北角，今日嚟到相当近北角地铁站嘅梅花村小馆，店内壁画相当豪迈奔放，唔知佢嘅卤水系咪一样咁惹味呢？畀Menu上嘅鹅片鹅肝饭吸引，卖相平平，白饭偏湿软，卤水较淡口，但佢嘅鹅片肉嫩而鹅肝鲜美，口感非常满足，综合嚟讲值得一试。另外叫咗蚝仔粥，潮州粥嘅形式，冬菇、紫菜、方鱼干提供源源不绝嘅鲜味，而且蚝仔肉碎份量足够，绝对畀佢海洋般嘅风味惊艳。唔少人食饭追求大大份，CP值高，但我哋觉得一餐食得简单而隆重，足以令人回味万分。嚟紧都会写更多嘅食评，希望大家睇完follow我哋啦。