茶木‧台式休閒餐廳 (已結業)

之前搭自动扶手电梯见到开咗间茶木已经想试，但食晏成日都排长龙，咁啱今日同朋友响中环活动，当然要嚟试一试啦！星期六未够十二点嚟到唔驶等即有位！ 黑糖珍珠奶茶(要求少奶少甜)($38)分量大杯，饮落奶茶顺滑，不过茶底似乎唔够浓，觉得都仲系奶嘅比例较多，甜度的确有减少到，至于珍珠都算Q嫩又唔会太甜。 我同朋友都系心锁红烧牛肉面($88)，只系喜辣嘅我汤底就要香辣！汤底好香浓带点微辣更加令我一啖接一啖，饮汤仲多过饮杯奶茶！加上酸菜葱花更加香口。牛腱肉都几大旧，一碗有3－4旧左右，牛肉肉质扎实，但咬落唔会韧，觉得好绵软，而且筋肉相隔，食落有D胶质，大爱！！！面条方面都系我喜爱嘅粗面条，有D接近刀削面嘅感觉，食落有弹性，即使食到尾D面都唔会浸到烂碎，赞！汤里嘅红白萝卜都煮得几好，味道鲜甜又唔会炆都蓉蓉烂烂。