影片
更多
2021-12-13
800 浏览
好味指数😋😋😋回头指数 ⭐️⭐️⭐️开心指数🤗🤗🤗🤗爸爸妈妈生日，家姐拣咗呢间响将军澳嘅窝夫餐厅食周末 brunch！呢一区起咗好多新楼，有好多新餐厅，我自己就好少嚟呢一区，今日嚟到发现呢度同启德有D似，其实冇家姐约咗响港铁站一齐行去的话，应该会揾劲耐都揾唔到间餐厅响边😅Brunch set 有两种选择，$198 有一个主菜 + 前菜 / 甜品 + 餐茶，或者$238 前菜 + 主菜 + 甜品 + 餐茶，我哋拣咗$198，叫咗两个前菜同两款甜品！前菜选择比较少，得两款沙律，主菜有9款，甜品有3款！🍴烤虎虾配红酒苹果及柚子藜麦因为另外一款系Caesar Salad，我哋就叫咗两个虎虾，嚟到见到好精致，有两只虎虾，虾烧得好香，肉质爽口，红酒苹果酸酸甜甜，口感似梨多过似苹果，柚子汁嘅沙律好清新开胃，好味～🍴”蟹”逅窝夫水牛、车打、帕尔马芝士焗蟹肉加小龙虾，下面配香草窝夫，芝士味好香，都见到有丝丝海鲜肉，虽然蟹肉同小龙虾肉已经融合咗，分唔到系蟹肉定系小龙虾，但食到有鲜甜味，蟹肉味系比较出嘅，同香草窝夫好夹，呢款系好味嘅～🍴炸鸡窝夫咸窝夫上面有两大件炸鸡，炸鸡个皮好香脆，炸皮上面有香料而皮都唔太厚，鸡
回头指数 ⭐️⭐️⭐️
开心指数🤗🤗🤗🤗
爸爸妈妈生日，家姐拣咗呢间响将军澳嘅窝夫餐厅食周末 brunch！呢一区起咗好多新楼，有好多新餐厅，我自己就好少嚟呢一区，今日嚟到发现呢度同启德有D似，其实冇家姐约咗响港铁站一齐行去的话，应该会揾劲耐都揾唔到间餐厅响边😅
Brunch set 有两种选择，$198 有一个主菜 + 前菜 / 甜品 + 餐茶，或者$238 前菜 + 主菜 + 甜品 + 餐茶，我哋拣咗$198，叫咗两个前菜同两款甜品！前菜选择比较少，得两款沙律，主菜有9款，甜品有3款！
🍴烤虎虾配红酒苹果及柚子藜麦
因为另外一款系Caesar Salad，我哋就叫咗两个虎虾，嚟到见到好精致，有两只虎虾，虾烧得好香，肉质爽口，红酒苹果酸酸甜甜，口感似梨多过似苹果，柚子汁嘅沙律好清新开胃，好味～
烤虎虾配红酒苹果及柚子藜麦
19 浏览
1 赞好
0 留言
🍴”蟹”逅窝夫
水牛、车打、帕尔马芝士焗蟹肉加小龙虾，下面配香草窝夫，芝士味好香，都见到有丝丝海鲜肉，虽然蟹肉同小龙虾肉已经融合咗，分唔到系蟹肉定系小龙虾，但食到有鲜甜味，蟹肉味系比较出嘅，同香草窝夫好夹，呢款系好味嘅～
”蟹”逅窝夫
14 浏览
0 赞好
0 留言
🍴炸鸡窝夫
咸窝夫上面有两大件炸鸡，炸鸡个皮好香脆，炸皮上面有香料而皮都唔太厚，鸡肉入味又juicy，配他他酱、蜂蜜芥末酱、蓝芝士酱，我觉得头两款酱都几好味，呢个菜感觉有少少炸鸡有炸鸡食，窝夫有窝夫食嘅状况，似 sides 唔似夹埋食咁，炸鸡同窝夫分别地都好食嘅！但系呢… 蓝芝士酱个样就唔太讨好，唔觉creamy，酱汁睇落有少少分离（似我睇煮食比赛节目中煮失败咗嘅酱汁状态），anyways，我唔知佢个酱汁原意系咁，定系点啦，总之见到起粒嘅蓝芝士捞唔埋嘅酱汁样啦！
炸鸡窝夫
21 浏览
0 赞好
0 留言
🍴牛皇窝夫汉堡
呢个卖相好得意，因为将汉堡嘅包变成咗窝夫，中间有洋葱、菇、番茄、酸瓜、生菜、芝士（我不断思考其实有冇，我都唔肯定，因为唔似一般嘅汉堡有大大块溶咗嘅芝士🙈），汉堡扒有D失望，冇咩肉味之余亦都冇咩调味，亦都有D嚡口，唔太juicy！都几失望嘅😞
牛皇窝夫汉堡
11 浏览
0 赞好
0 留言
🍴纽西兰肉眼扒
呢个我觉得有D 神奇，店员冇问几成熟，嚟到切开似Medium Well，不过肉眼扒冇咩肉味，亦都有D 韧同嚡口，呢个唔好食😔
纽西兰肉眼扒
13 浏览
0 赞好
0 留言
到咗甜品时间，我哋拣咗两款窝夫，可以拣 Cappuccino 或者 berries 雪糕，店员先换咗share plate 同餐具！因为爸爸妈妈生日，特地请餐厅帮我哋写字，亦都有蜡烛插咗响雪糕上面！
🍴香蕉窝夫
呢款我哋拣咗 cappuccino 雪糕，窝夫好香脆松化，香蕉面有一层薄薄焦糖，cappuccino 雪糕好滑好香，咖啡同奶味比例啱啱好，成个combination 好夹好好味！
香蕉窝夫
19 浏览
0 赞好
0 留言
🍴肉桂苹果窝夫
呢款我哋拣咗 berries 雪糕，上面有一小片士多啤梨，肉桂苹果细细粒，夹埋窝夫唔错！Berries 雪糕少少酸甜，berries 味好突出，反而就咁食或者同窝夫食就好好味好夹，同肉桂苹果就冇咁夹，两者会互相争味咁！
肉桂苹果窝夫
16 浏览
0 赞好
0 留言
🍴Americano
选豆一般，唔太好饮！
整体上呢度嘅窝夫甜品系好好味，两款窝夫主菜都唔错，牛类食品有D失望，服务都有少少参差，中东外藉店员好nice 好有礼貌亦都好热情，有D 店员就有少少发呆唔太熟悉D嘢咁，但都好有礼貌，需要多少少 training，时间越晏越多人嘅时候，有少少应接不暇咁！窗边嘅设计都几舒服，系打卡位，今日可能太晒嘅关系，窗口都落咗窗帘冇咁可以 feel 到户外气氛，不过如果两个人坐，有两碟 main course 张台会有D细，可能比较啱饮嘢或者食下甜品咁；另外餐厅都有少量户外位，我都见到有食客有带埋宠物嚟食嘢！整体上坐得好舒服，食咗一个开心嘅 brunch！
张贴
