義香荳腐食品

营业中

休息中

周末自由行,今次目的地系九龙城!一早已经谂定好多野想食,点知今日胃口麻麻,终于行到黎呢度食豆腐花做午餐。下午时间,人客唔太多,坐系最近门口位置,见住靓姐手脚勤快地煎炸食品,睇见都觉得佢本事!!本来想食热豆花,但时间尚早未有得食,只好改食冻;冻豆花口感当然稍逊,唔算好滑之余仲有d实,豆香又唔太觉有,胜在唔太甜。萝卜糕煎得好香口,五蚊一件够晒份量!!萝卜丝份量比坊间粥店已经算多,起码唔会一口粉,内里有d好似系火腿丝,增加咸香味道,以呢个价钱当然收货!!后来手痕痕,加豉油再加甜酱辣酱,原来仲好食!!有机会试埋三宝先。后加豆浆一杯,一入口就饮到一阵唔算太浓既焦味,质感比较稀,又系胜在唔太甜。除左靓姐多谢前多谢后之外,另外2位阿姐都有礼貌,食野期间听到佢地闲话家常,愈来愈钟意呢种有人情味旧店。