影片
更多
2019-03-30
411 浏览
星期六可以训到自然醒真系好爽！一起身已经差唔多一点，所以就同屋企人出去饮左个下午茶今次我地去左将军澳煌府！果然系星期六，好多人，但都好快入得。我地坐个位唔系好宽阔，而且冷气有啲大，好彩有著外套去。 一坐低紧系睇下有咩食。呢张系下午茶点心纸，选择都唔少，但风味小食果度局住人要㨂两款就真系有啲麻烦，未必个个人都㨂到两款想食嘅。好彩咁岩我想食咸菜猪肚，爸爸想食鲍汁凤爪。鲍汁凤爪算入味，肉质软熟但唔系入口即融个种，都弹牙有咬口。个人黎讲我钟意有少少咬口嘅多过焖太耐入口即融个种。而呢度嘅咸菜猪肚好重胡椒味好正。我最怕食咸菜猪肚唔够胡椒味唔够咸（我承认我对呢道菜系有啲重口味😂）。而且猪肚够多够厚，真系要比个👍🏻佢。如果咸菜再多少少就好🤤🤤干炒牛河就唔系下午茶点心纸入面嘅，85蚊一碟。干炒牛河追求嘅就系每一条河粉都系上到色。呢碟就做到9成，唔会食食下见到好多白雪雪嘅河粉咁大煞风景，而且够镬气！牛肉份量唔少亦都唔韧，整体黎讲很不错！跟住我地仲食左煎堆仔同黑糖蜂蜜糕。煎堆仔热辣辣，有芝麻香，而且我内馅唔太甜刚刚好，食两粒都唔腻。黑糖蜂蜜糕一上枱就冧咗三件，卖相唔好但唔影响食物质素。一咬开就见到件糕呈蜂巢
星期六可以训到自然醒真系好爽！
一起身已经差唔多一点，所以就同屋企人出去饮左个下午茶
今次我地去左将军澳煌府！
果然系星期六，好多人，但都好快入得。
我地坐个位唔系好宽阔，而且冷气有啲大，好彩有著外套去。
一坐低紧系睇下有咩食。
呢张系下午茶点心纸，选择都唔少，但风味小食果度局住人要㨂两款就真系有啲麻烦，未必个个人都㨂到两款想食嘅。好彩咁岩我想食咸菜猪肚，爸爸想食鲍汁凤爪。
鲍汁凤爪算入味，肉质软熟但唔系入口即融个种，都弹牙有咬口。个人黎讲我钟意有少少咬口嘅多过焖太耐入口即融个种。
而呢度嘅咸菜猪肚好重胡椒味好正。我最怕食咸菜猪肚唔够胡椒味唔够咸（我承认我对呢道菜系有啲重口味😂）。而且猪肚够多够厚，真系要比个👍🏻佢。如果咸菜再多少少就好🤤🤤
干炒牛河就唔系下午茶点心纸入面嘅，85蚊一碟。干炒牛河追求嘅就系每一条河粉都系上到色。呢碟就做到9成，唔会食食下见到好多白雪雪嘅河粉咁大煞风景，而且够镬气！牛肉份量唔少亦都唔韧，整体黎讲很不错！
跟住我地仲食左煎堆仔同黑糖蜂蜜糕。煎堆仔热辣辣，有芝麻香，而且我内馅唔太甜刚刚好，食两粒都唔腻。
黑糖蜂蜜糕一上枱就冧咗三件，卖相唔好但唔影响食物质素。一咬开就见到件糕呈蜂巢形状，同平时马拉糕个种软熟松化感觉唔同，佢系有少少烟韧。唔会太甜不错👍🏻
整体而言系几好嘅用餐体验，如果冷气可以较细啲就好，因为太大风啲食物好快冻，冻左自然冇咁好食，尤其系点心类嘅食品。
张贴
