小房子 (已搬遷) 新店位置

周末出旺角行街，行到就脚断既时候决定揾间cafe坐一坐，回一回气。小房子名气大，但一直未去过，所以决定去下。由于满座既关系，店员安排我地坐近门口既位置。由于唔系好肚饿，所以只叫了玄饼同叫左杯是日花茶。玄饼小房子当初系因为呢个玄饼成名，细细粒好似啫喱咁，中间有朵花系入面，隔离附上一个细细杯既黑糖浆。玄饼口感都似啫喱，爽口。味道有小小酸酸地。黑糖浆味道除左甜之外仲有小小苦涩味。是日花茶有薰衣草、迷迭香、菊花系入面。入口系好浓菊花味，饮落之后就会有小小迷迭香味出翻黎，都几夹，唔会好奇怪。花茶系属于唔甜个种，岩晒我呢d唔钟意食甜既人。店内有三只猫猫，性格温驯，唔洗怕佢地会抓人。见住d猫猫周围走又互相打闹下咁心情都自然好。总括黎讲，周末店内人数比较多，所以会比较热闹。如果想静静地上下网做野可能未必岩你。但如果你行街行到累想揾地方坐下，倾下计，玩下猫，小房子位置方便，都会几适合你。