添記燒臘飯店

营业中

休息中

某一次与建筑界既老友闲谈中得知呢间大排档烧味一到中午时份的烧肉/烧鸭就买晒，有乜野咁巴闭，这里之前没有食评兼资料，于是昨日以“一试而评之”胆粗粗入去试。一去到元朗时间都未够十一点，唯有花少少时间“洒两手”，之后到达时还以为得外卖，冇堂食，因为有人排紧队等外卖，遮住左。入去坐底即刻问阿姐，有冇三味(即系三拼)，有，30蚊碟，其实头两拼已经系default (即系烧肉及烧鸭)，谂左最后一拼一阵，选左切鸡(一来想食下姜葱，二来冇油鸡)。在等之余，睇下其他食客食紧的乜野，果然大部份系烧肉及烧鹅，真系咁正？等之余，望下隔离既食客有碗例汤，系粉葛鸡脚煲猪骨汤，相对一般既稍为大碗，好似几正，于是加多左8蚊。一来到，哗，几乎满泻，料少左的，但真系好够味(应该冇落味精，对我来讲，好既味精会少许口渴，冇既冇事，差既饮汽水都唔掂)，尤其系的猪肉，应该用左类似用来整烧肉既猪肉与骨来煲，的肥膏“淋牙香”，还有新鲜既味道，与雪藏既，真系天与地比；汤冇乜油，隔油都隔得几好，好过饮冻啡。套用另一位食客话“俾佢十蚊都值回票价”，真系要多谢坐系隔离位人位，差的走漏眼。