GOCHISO (已結業)

一家三口星期六嚟到新城市广场，一期地下都有好多食肆，这间吃意大利菜嘅感觉唔错，周末都有午膳套餐，选择不少，有意粉、饭及薄饼。加$15可以有沙律及饮品，杂菜沙律好新鲜，仲有一些红腰豆及鹰嘴豆。另外可加$15要咗个法式芝士洋葱汤，洋葱炒得好香，件法包索满洋葱味道，个汤有大量洋葱，衷心觉得坚好饮。饮品拣咗水果茶及苹果汁，水果茶加咗鲜橙及奇异果，味道好清新；苹果汁稍为细杯。温泉蛋蒜香黑松露蘑菇鲜制意粉，温泉蛋嘅感觉好温暖啊！黑松露酱真系好香，蘑菇份量都唔少，呢个意粉弹牙爽口，橄榄油炒蒜蓉炒得好香。温泉蛋烟肉芝士卡邦尼意粉，食嘅时候把温泉蛋搅匀，好滋味，厨师落咗大量忌廉汁，又香又浓，加埋烟肉就变成完美的组合。芝士鲜蚝配日本产带子烩饭(意大利饭)， 酱汁煮饭软硬度啱啱好，感觉唔会太腻，仲有煎得好香嘅蚝及带子，大家抢住食。